Sapno ki duniya

Sapno ki duniya

                                           

Maine sapno mein dekha tha, ik rishta toot gaya tha..

Haqiqat ki duniya me, koi apna rooth gaya tha..

Koi paiso ki daud me aage, kisi ka bachpan chhoot gaya tha..

Kuch mar rahe the tanhayi mein, koi aankhein moond gaya tha..

Maine sapno mein dekha tha, ik rishta toot gaya tha..

Haqiqat ki duniya me, koi apna rooth gaya tha..

Kuch kismet ke maare the, toh kuch ehankaar ke sahare the..

Rishto ke har ik dariya ke, bas apne-apne kinaare the..

Vo alag alag se raaste, har ghar mein fir bantwaare the..

Sapno ki us raat ke, bade dardnaak nazaare the..

Maine sapno mein dekha tha, ik rishta toot gaya tha..

Haqiqat ki duniya me, koi apna rooth gaya tha..

Fir socha,

Shikaayat karu us bhagwaan se, ye kaise sapne aate hai?

Kyun itni pyaari duniya mein, nafrat se mujhe daraate hai..

Toh bhagwaan bola,

Is matlabi se duniya mein, bas sapne he sach dikhaate hai..

Khuli aankho ki haqiqat mein, dhoke he paye jaate hai..

Koi rishta tod gaya, toh koi saath chhor gaya..

Apni si is duniya mein, nafrat ko nichod gaya..

Na kadar rishto ki, na pyar apno ka..

Har toote rishte ki jhalak dikhata, vo silsila sapno ka..

Maine sapno mein dekha tha, ik rishta toot gaya tha..

Haqiqat ki duniya me, koi apna rooth gaya tha..

Nazar lag gayi rishto ko, un anjaane parayo ki..

Jo apne se he lagte the, girgit ke jaise saayo ki..

Kaash,

Badal pata main un sapno ko..

Jaha dard diya tha apno ko..

Maine sapno mein dekha tha, ik rishta toot gaya tha..

Haqiqat ki duniya me, koi apna rooth gaya tha..