Vo din

Those days of childhood may never come back now, but those memories will always be best part of our life.

Ik sard hawa ka jhonka tha, Meethi yaado me sanjoya..
Bachpan ki un yaado ne phir, In aankho ko bhigoya..
Vo haath hai mujhko aj bhi yaad, Jisne girne pe sambhaala tha..

Rote huye ko chup kara kar, Haatho se khilaya nivaala tha..
Vo din bhi bade pyaare the, Jab hum aankho ke taare the..
Mai jo ro deta ik baar jor se, Fir sab kuch naam humaare the..
Vo school na jaane ke nakhre the, Padhai se dur jo rehna tha..
Bas milte rhe khilone humko, Santa claus se bas ye kehna tha..
Tiffin me milta khana roz, Par khud ka kabhi na khana tha..
Pal me ro dena, fir muskurana, Bas bachpan ka yahi fasana tha..
Ghar me jab bhi ata koi, Bas hume toh apne "chizi" ki fikar..
Maa se hoti sab baate shuru, Or maa se hota har baat ka jikar..
Bhot si yaadein chhipi hai, Us daur ke sard lifaafo me..
Jab jab khola chup ke se maine, Khwaab utre hai nigaaho me..
Socha kuch toh likhu un kisso par, Jo kabhi jiye the shaan se..
Kuch has k gujar gye toh, Kuch gujre the anjaan se..
Bachpan ke rang bhi ajeeb the, Meethi yaadein, par gum hazaar..
Zindagi toh bas ab kat rhi hai, le kar khushiyan udhaar..

Jee lege thora, jo Bachpan laut aaye fir ik baar..
Fir ik baar 🙄

Please do share this poem, comment your thoughts and Follow Us for more such poems.