Poem Pitara

Akhiri Panna Zindagi ki kitaab ka.. Aj akhiri ye panna.. Likhne chala hoon.. jo dil me thi tammana.. Khwaab bohot the, asma se uche mere.. Saare ke saare maine bhoole the piche tere.. Udna tha mujhko yun panchi khula sa.. Har baar girne par, diya tha dilasa.. Manzil thi dur meri.. raahein bhi bhatka.. Jaane kyun main tere vaado me atka.. Koshish ki thi maine.. sang tere chalne ki.. Tu jo juda hui.. piche tere marne ki.. Roya bohot tha, chhoota jo hath tera.. Duniya he kho gyi.. rootha jo yaar mera.. Aj bhi hai mujhko teri yaad hai aati.. Tujhko toh bas hichkiya satati.. Tu aa bhi jaye toh, mai na aa pauga.. In akhiri lafzo sang, dur chala jauga.. Dur chala jauga.. Zindagi ki kitaab ka.. Aj akhiri ye panna.. Likhne chala hoon.. jo dil me thi tammana.. You can also follow us at  Facebook : https://www.facebook.com/Poempitara Instagarm :  @poempitara

Ek Noor, Ek Chehra Ek noor, ek chehra.. Meri rooh ka adhoora hissa.. Jannat si thi han duniya meri.. Mashhoor tha vo pyar ka kissa.. Kuch gairo ki najre lag gyi.. Galtiya kuch meri thi.. Aaj dekhne ko bhi naseeb nahi.. Jo dil ki amanat meri thi.. Waqif hum bhi na the anjaam se.. Vo khud bhi yun he anjaan the.. Do jism ek jaan huya jo karte the.. Aj rishtey sab huye benaam the.. Dur hona he likha tha shayad.. Vo chand dino ke mehmaan the.. Dil toota, par shor bhi na hua.. Raahein-e-kismat ab sunsaan the.. Khair ab umeedo ka bojh nahi.. Khatam baaton ka vo silsila.. Vo mila nahi mujhe beshak.. Par mera wajood mujhse ja mila...

Sapno ki duniya                                             Maine sapno mein dekha tha, ik rishta toot gaya tha.. Haqiqat ki duniya me, koi apna rooth gaya tha.. Koi paiso ki daud me aage, kisi ka bachpan chhoot gaya tha.. Kuch mar rahe the tanhayi mein, koi aankhein moond gaya tha.. Maine sapno mein dekha tha, ik rishta toot gaya tha.. Haqiqat ki duniya me, koi apna rooth gaya tha.. Kuch kismet ke maare the, toh kuch ehankaar ke sahare the.. Rishto ke har ik dariya ke, bas apne-apne kinaare the.. Vo alag alag se raaste, har ghar mein fir bantwaare the.. Sapno ki us raat ke, bade dardnaak nazaare the.. Maine sapno mein dekha tha, ik rishta toot gaya tha.. Haqiqat ki duniya me, koi apna rooth gaya tha.. Fir socha, Shikaayat karu us bhagwaan se, ye kaise sapne aate hai? Kyun itni pyaari duniya mein, nafrat se mujhe daraate hai.. Toh bhagwaan bola, Is matlabi se duniya mein, bas sapne he sach dikhaate hai.. Khuli aankho ki haqiqat mein, d

Bandhi Yudh ke Ek din, Jo lakeer si lagta kismat ki.. Pal me yun badal gayi..  Fiki si pad gyi.. Zindagi ke har pehlu ko..  Is kadar jakhjor gayi.. Majboot kandha tha jo parivar ka..  Apahiz sa vo kar gayi.. Han kuch aisi he toh hai..  Us parivar ki takdeer.. Yudh ke us daur me..  Badal gyi jiski tasveer.. Pal pal ki bechaini us maa ki..  Jiska beta yudh me ladta hai.. Bebasi us baap ke chehre ki..  Jiska wajood jung me marta hai.. Sabse pehle desh ke naam..  Har katra khoon ka krta hai.. Us lahu ko pani samjh ke..  Jo bin soche baha dete hai.. Bas kismat ke lekh usey..  Bandhi yudh ke bana dete hai.. Bandhi yudh ke..  Bandhi jung ke.. Jab bhi jata ghar se vo..  Intejaar ki ghadiya de jata hai.. Dukh takleefey parivaar ki..  Vo chhor... desh seva me jata hai.. Saat vachno ko vo chhor ke..  Bas dharti maa ka karz chukata hai.. Ik ik fauji seema par..  Jab lahu paseena bahata hai.. Tab ja ke desh ke har ghar me..  Rahat ka saans ata hai..

Vigyan Or Dharam Waqif ho jayega har pehlu se insaan bhi.. Raahein mil jygi jab dharm or vigyaan ki.. Daud Andhvishvas ki jo andhi c chal rhi.. Parte khul jaygi chhipe har vishvas ki.. Ik daur tha bas dharm ka bol bala tha.. Vigyaan ka vartmaan is kadar kala tha.. Fir Badlte waqt ki gawahi mili.. Aavishkaaro ne dia kuch aisa ujala tha.. Duniya ke wajood pe chand sawaal the.. Dharm ke thekedaro ke apne he khayaal the.. Us samay Vigyaan ne yun karwat badli.. Har sawaal ke die usne jawab the.. Waqif ho jayega har pehlu se insaan bhi.. Raahein mil jygi jab dharm or vigyaan ki.. Daud Andhvishvas ki jo andhi c chal rhi.. Parte khul jaygi chhipe har vishvas ki.. Daur badla.. itihas bhi badla.. Takraare dharm or vigyan ki aam thi.. Tark apne the kuch dharm ke.. Daleeley vigyaan ki bhi khaas thi.. Bhagwan na sahi par kuch toh hai... Adrishye jo shakti anjaan si.. Duniya chal rhi jiske ishaare par.. Akhir maan he gya vigyaan bhi..

Kuch Lafaz Likhne chala kuch lafaz mai.. Kuch unsuljhe se kisso par.. Kuch undikhe se daago par.. Kuch chhipe huye un hisso par.. Jo taqdeer ban gye meri.. Tasveer ban gye meri.. Jin hatho pe thi kismat likhi.. Ahoori lakeer ban gye meri.. Na dikhe kisi ko vo zakhm mere.. Na ghayal huya ye dil dikha .. Na pathar si shaksiyat dikhi.. Na chubha hua vo keel dikha.. Khair.. jo dikha vo bas hasta tha.. Pal pal ko khushi ko tarasta tha.. Jiski zindagi ki keemat lga gayi.. Jaise pyar uska bda sasta tha.. :)

Anjaan, vo shakks Anjaan, vo shakks.. vo chehra.. Chehre pe naqaab, har naqaab pe pehra.. Dhoondta gehriyaio me mai.. Har raaz hai uska gehra.. Har hasi majak me.. Uske rukhe se us andaaz me.. Waqt yunhi guzar jata hai.. Uski khamoshiyo me mera.. Zindgi ka har pal ruk sa jata hai.. Masoomiyat se sawaalo ne.. Dil pe vaar sa kar diya.. Maine aadat nahi banani thi.. Par usne majbur kar diya.. Anjaan, vo shakks .. vo chehra.. Uski ik gujaarish thi.. Shabdo me usey basayu.. Ehmiyat us rooh ki.. Shabdo me kaise btayu?? Koshish ki hai kuch likhne ki.. Kahi jyada na likh jayu.. Bas itni c tamanna.. Vo yaad kre kisi apne ko.. Toh bas dil me mai he ayu :)

Kuch Rang Zindagi Ke Kuch rang zindagi ke.. Ansune se raago jaise.. Kabhi tute toh kabhi jud gye.. Uljhe se dhaago jaise.. Rishto ke bhoj ke tale.. Meri zindagi ke vo ehsaas the.. Pehle bachpan fir jawani..or fir budhapa.. Har padaav ke kissey khaas the.. Paida hote he ban gya.. Maa-baap ki aankho ka taara.. Unke jeene ka maksad or.. Budhaape ka ik sahara.. Vo panne zindagi ki kitab ke.. Kuch behisaab se likh daale the.. Bas hasna rona or fir has dena.. Bachpan ke din niraale the.. Kuch rang zindagi ke.. Ansune se raago jaise.. Kabhi tute toh kabhi jud gye.. Uljhe se dhaago jaise.. Fir zindagi ke us padav me.. Ik pyaar ka jhonka aya.. Meri zindagi ki kitab par.. Yaado ka dhoka aya.. Zimedaari bhare kandho pe.. Umeedo ka bhar bhi aya.. Jeete the jo mauj se ab tak.. Pehli dafa, Samajhdaari ka bhi khayaal aya.. Kuch rang zindagi ke.. Ansune se raago jaise.. Kabhi tute toh kabhi jud gye.. Uljhe se dhaa